Sumaq Qarawi

Maypitaq khuyaqniyqa

 

Q’asan q’asanmi, waqaspa purni,

ishu qatakunapin llakisqa purikuni.

Khuyaqnillayqa maylawmantaraq hamunqa,

uraymantachu icha wichaymantachu rikhuriramunqa.

 

Wayq’okunata qawarispaymi yuyarini,

sapallay purishaspay anka hina phawarisqayta.

Rit’i orqota qawarispaypas yuyarini,

Mana punchuyoq rishaqtiy, churayuwasqanta.

 

¿Maypitaq kashan khuyaqnillayqa?

¿Qonqarukullawanchu imaynataqri?

¿Imaynataraq khuyaqllaytaqa, rikurullayman?

¿Imanispataq paytari, rimarirullayman?

 

Pichinkukunata rikuspaymi yuyarini,

ch’inñeq wayq’opi purishaqtiy rimariwasqanta.

Mayukunata qawarispaypaytaq yuyarini

ruphay umayman chayamoqtin, apichaykuwasqanta.

 

Khuyaqnillayqa noqawan kushkataq kashan.

Soyqoy ukhupi tiyakuspataq rimapayawashan.

Khuyaqnillayqa makiymantataq pusakuwashan.

Marq’ayninpitaq wawachata hina apakachakuwashan.

 

Sapa p’unchawtaq kusichiwashan, rimapayawashan,

ñawiypa tukuy sumaq rikusqankuna ukhunta.

Khuyaqniyqa makinpin hap’ikuwashan.

manan noqamanta kharupichu khuyaqniyqa kashan.

Fuente: Illari Quechua