Aprendiendo quechua mediante diálogos e historias

Willakuyninta hinallataq rimanakuspa runasimita yachasunchis

Noqanchisqa runasimita yachachinapaqa allintan chaninchananchis imaynanpakunamanta apurayllaman runamasinchisman yachachinapaq. Noqa qawarisqayman hinaqa mama siminchis yachachiyqa manan yanqallachu. Allintapunin imayna qelqaytapas yachananchis. Ñawpaqqa rimaykunata yachachispallan ima rimaytapas yachachiwaranchis. Ichaqa kunanqa yachachismi mana sayna kasqanta. 

Noqanchisqa wawanchismantapachaqa manan tayta mamanchisqa rimaytaqa yachachiwaranchis kaymi manka, kaymi payla, kaymi waka nispachu. Aswanqa noqanchisqa yacharanchis taya mamanchis rimasqanqa,  hatun tayta mamanchiskuna hinallataq huk runakunatapas rimasqankuta uyarispan. Chaymi Illari quechuapiqa noqaykuqa manan rimaykunallantachu yachachiyku. Aswanqa rimanakuykuna ukhuntan allinta yachanankupaq.

Kaypi imaynan yachasqankuta qawasunchis:

Kaypi qawasqanchisman hinaqa kaypiqa huk willakuy ukhunta yachashanku. Chay willakuyta ñawinchayta tukuruspankun rimaykunata riksiyta atinqaku. Hinaspapas yuyanqakun astawan kay willakuypi rimaykutana ñawinchasqankumanta, chaymantan paykunaqa qelqanku. Chayraykun noqaykuqa unay watakunapi imaynan yachachiyta yacharayku.

Saynallataqmi kay rimanakuykunapas yachapakuqkunataqa runasimita yachanankupaqqa yanapanqa. Chaymi noqaqa wakin yachachiq masiykunataqa kallpanchani sumaqta sunasiminchistaqa yachachinankupaq. Saynapi ashka runakuna mama siminchistaqa astawan munakunankupaq. Ichapas kay yachaykuna astawan imayna runasiminchis yachachiypi yanapasunkichisman.

Fuente: Illari Quechua