Aprendiendo las relaciones personales a través de cuentos

Riksinakusqanchiskunamanta yachasunchis

Runa siminchispiqa noqanchisqa willakuykuna, rimanakuykuna hukhuntan allinta runa siminchis rimaytaqa yachasunchisman. Wakinninkuqa yuyaymanankun runa simitaqa huk yachaqllawanmi yachakun nispanku. Ichaqa manan saynachu kanman. Noqaykun sumaq willakuykunata qelqayku chay ukhunta runasimitaqa yachanankupaq.

Chaymi Illari Quechuapiqa qankunapi yuyaymanaspa imatapas allinta llank'amushayku. Hinaspapas manan hatun qelqakunachu, aswanqa uchuykunalla. Saynapi qelqasqaykuta ñawinchaspankuqa mana apurayllamanqa pisipankumanchu. Chaypaqmi kaypi huk willakuyta saqeykatamusqaykichis. 

Riksinakuymanta willakuy

 Gabriel: Alexis ¿Imaynallan? Patriciaqa, riksisqaymi, riksichisqayki.
Alexis:  Allillanmi Gabriel, Noqa Patriciataqa riksini. Yachaqmasiymi kashan.  Patricia, ¿imaynallan kashanki?. Kaypiña tuparunchis.
Patricia: Allillanmi Alexis Kashani, añay. ¿Qanri imaynallan wasimasiy  kashanki?.
Alexis:  Allillanmi noqapas takiqmasiy kashani, añay. 
Patricia: Alexis, saynaqa, llank’aqmasiy Gabrielwan reqsinakunkichis.
Alexis: Ari, hinaspapas Gabrielqa pukllaqmasiymi.
Gabriel: Ari Patricia, kunanqa kinsanchismi riksinakunchisña. Hinaspapas Patriciaqa tusuqmasiymi kashan.
Patricia: Ari Gabriel, kunanqa kinsanchisña puriqmasintin kasunchis.
Gabriel: Ari, saynaqa tupananchiskama.
Patricia: Huk p’unchawkama.
Alexis: Qawarinakunakama.

Kunami kay willakuypi yachanchis kay rimaykunata:

Riksisqay "amigo/amiga"
Yachaqmasi "compañero/compañera de estudio"
Wasimasi "vecino/vecina"
Takiq masi "compañero/ compañera de canto"
llank'aqmasi "compañera/ compañero de trabajo"
Pukllaqmasi "compañero/ compañera de juego"
Tusuqmasi "compañero/ compañera de baile"
Puriqmasi "compañeros/compañeras de camino"

Hinaspapas kaypiqa qawarinchismi -masi nisqa sufijota. Chaywan rimaqtinchis hinallataq qelqaqtinchispas qawachiwasunchis imanchismi huk runamasinchis kanman chayta rikuchiwanchis.

Fuente: Illari Quechua